پودوں اور بیجوں سے تجربے
کبھی آپ نے یہ سوچا ہے کہ ہماری صحت اور طاقت کا دارومدار بیجوں پر ہے؟ جو سبزیاں ہم کھاتے ہیں، وہ بیجوں سے پیدا ہوتی ہیں۔ بہت سے گھریلوں جانور بیجوں اور پودوں سے طاقت حاصل کرتے ہیں، پھر ہم ان کا گوشت مختلف صورتوں میں کھاتے ہیں، مثلاً بھنا ہوا گوشست، ،چانپیں، قیمہ اور قیمے کے کوفتے وغیرہ۔
اصل میں بیج ننھے منے پودے ہوتے ہیں۔ جن کے گرد خوراک موجود ہوتی ہے۔ ہوا، گرمی اور نمی پہنچانے سے بیجوں کے اندر ننھے پودے اپنے پاس رکھی ہوئی خوراک کھاکر پھلنا پھولنا شروع ہوجاتے ہیں۔ ان سے جڑیں نکلتی ہیں۔ پتے پھوٹتے ہیں۔
جڑیں زمین سے ایسا پانی حاصل کرتی ہے، جن میں معدنیات ہو۔ پانی جڑوں کے ذریعے پتوں تک پہنچتا ہے اور پتے ہوا سے کاربن ڈائی آکسائیڈ جذب کرکے نباتاتی شکر پیدا کرتے ہیں، جس سے زیادہ پیچیدہ جوہر یا مادہ پیدا ہوتے ہیں۔ ان میں ایک سبز جوہر بھی ہوتا ہے جو کلوروفل یا خضرہ کہلاتا ہے۔ اس کی مدد سے پتے اس قابل بن جاتے ہیں کہ سورج کی طاقت استعمال کریں اور اپنی خوراک بنائیں۔ جو تجربات اب بتائیں جائیں گے، ان سے بعض ایسے دلچسپ طریقے معلوم ہوگے، جن سے پودے پھلتے پھولتے ہیں۔
بیجوں سے جڑیں نکلتی کیسے دیکھی جائیں؟ جب آپ کوئی بیج بوتے ہیں تو وہ آپ سے چھپا ہوا ہوتا ہے،
