گیس سے چلنے والا فوارہ کیسے بنایا جائے؟
یہ دلچسپ تجربہ آپ کو گھر کے باہر کرنا چاہیے تاکہ فوارے سے گھر کی چیزیں خراب نہ ہوجائے۔ اس کیلیے آپ کو ان چیزوں کی ضرورت ہوگی۔ ایک سوڈے کی بوتل، ربڑ کی ڈاٹ (جس میں سوراخ کیا ہو)، شیشے کی اٹھارہ انچ لمبی نلی جس کے دونوں سرے کھلے ہوں۔ نلی ریڑ کی ڈاٹ کے سوراخ میں سے گزار کر تیار رکھیے۔
اس کے بعد آدھے سرکے اور آدھے پانی کا اتنا محلول تیار کیجیے کہ جس سے تین چوتھائی بوتل بھر جائے۔ اس محلول کو بوتل میں ڈال دیجیے۔ ایک چمچہ سوڈیم بائی کاربونیٹ کو حریری کاغذ کے ایک ٹکڑے پر رکھ کر، یہ پڑیا بوتل میں ڈال دیجیے۔ پھر ڈاٹ اور نلکی بوتل میں ڈال کر دیکھیے کہ کیا ہوتا ہے۔
جس وقت کاربن ڈائی آکسائیڈ بننے لگے گی، سیال مادے کے بالائی حصے کے خلاف گیس کا دباؤ اسے نلکی سے نکلنے پر مجبور کردے گا اور سیال مادہ فوارے کی تیز دھار کی طرح نلی سے نکلے گا۔
vinegar and baking soda reaction fountain
