Share Your Writing

Write your stories on Pakistan Science Club Blog!

Write your stories on Pak Science Club Blog and Portal

Featured Project

Saturday, 05 March 2011 14:37

شارک مچھلیوں کی حسيات، نئی تحقيق

Rate this item
(1 Vote)
شارک مچھلیوں کی حسيات، نئی تحقيق - 5.0 out of 5 based on 1 vote

 


 

شارک مچھلیوں کی حسيات، نئی تحقيق

 

شارک مچھلیوں کے بارے میں مشہور ہے کہ ان کی سننے کی حس بہت تیز ہوتی ہے۔ وہ مختلف چیزوں کو سونگھنے اور اپنے اردگرد کے ماحول میں حرکات کا اندازہ لگانے میں بھی بڑی تیز ہوتی ہیں۔


 

لیکن اب ایک نئی تحقیق سے یہ پتہ چلا ہے کہ شارک مچھلی کی چند قسمیں بہت طویل فاصلے سے اپنی منزل کا بالکل درست پتہ چلا کر اپنا راستہ تلاش کر لیتی ہیں۔ اس کا مطلب یہ ہے کہ یہ شارک مچھلیاں بڑی مہارت سے Navigate بھی کر لیتی ہیں۔

ابھی حال ہی میں شائع ہونے والی ایک نئی ریسرچ کے نتائج کے مطابق ان مچھلیوں کو علم ہوتا ہے کہ وہ کدھر جا رہی ہیں اور ان کی منزل کتنی دور ہے۔ اس تحقیق کے نتائج مرتب کرنے والے دو میں سے ایک سائنسدان کا نام یانِس پاپاستاماتیو ہے۔ وہ امریکہ میں نیچرل ہسٹری کے فلوریڈا میوزیم کے لیے کام کرتے ہیں۔ ان کا کہنا ہے کہ کئی لوگ بہت آسانی سے چل کر چھ سے آٹھ کلومیٹر کے فاصلے پر واقع اپنی کسی منزل تک تو پہنچ سکتے ہیں لیکن یانِس پاپاستاماتیوکے مطابق حیرانی کی بات یہ ہے کہ کوئی شخص یہ فاصلہ اس طرح طے کرے کہ اسے پہلے سے اپنی منزل کا علم بھی نہ ہو۔ اس کے علاوہ اسے یہ مسافت رات کے گھپ اندھیرے میں طے کرنی پڑے اور وہ بھی سمندر کی تہہ میں، جہاں پانی کا دباؤ بہت زیادہ ہوتا ہے۔

مچھلیوں کی بنیادی حسیات اور ان کی حساسیت سے متعلق نئی تحقیق کی گئی

مچھلیوں کی بنیادی حسیات اور ان کی حساسیت سے متعلق نئی تحقیق کی گئی

فلوریڈا کے نیچرل ہسٹری میوزیم کے ماہر پاپاستاماتیو کا کہنا ہے کہ ان کی مشترکہ سربراہی میں کی گئی ریسرچ کے دوران ماحولیاتی نظاموں کے ماہر امریکی سائنسدانوں نے آٹھ ٹائیگر شارک مچھلیوں، نو بلیک ٹِپ شارکس اور پندرہ تھریشر شارکس کے بارے میں اعدود و شمار جمع کیے، جن کا بعد میں بڑی احتیاط سے تجزیہ کیا گیا۔

اس ریسرچ کے دوران ان مچھلیوں کو ہوائی کے امریکی جزیرے پر اور جنوبی کیلی فورنیا یا پھر بحر الکاہل کے علاقے میں Palmyra Atoll کے پانیوں میں چھوڑا گیا۔ بعد میں ان مچھلیوں کے جسموں سے باندھے گئے ٹریکنگ آلات کی مدد سے یہ جاننے کی کوشش کی گئی کہ انہوں نے ان نئے سمندری علاقوں میں کھلا چھوڑے جانے کے سات گھنٹے سے لے کر 72 گھنٹے بعد تک کس سمت میں کتنا سفر طے کیا تھا۔

شارک مچھلیوں  کی سننے کی حس بہت تیز ہوتی ہے شارک مچھلیوں کی سننے کی حس بہت تیز ہوتی ہے

اس ریسرچ سے ثابت یہ ہوا کہ بلیک ٹِپ شارکس نے کسی حد تک درست سمت میں لیکن غلطیوں سے بھرپور اپنا سفر جاری رکھا۔ اس کے علاوہ سب سے زیادہ کامیاب سفر ٹائیگر شارکس اور تھریشر شارکس کا رہا۔ ان مچھلیوں میں سے ہر ایک نے دوران مطالعہ نئی سمندری جگہوں پر چھوڑے جانے کے بعد واپسی کے لیے اپنے سفر کے دوران آٹھ کلومیٹر سے زائد کی مسافت طے کی اور وہ بھی اپنے سفر کی سمت کا احساس گنوائے بغیر۔

شارک مچھلیوں کی بنیادی حسیات اور ان کی حساسیت سے متعلق تحقیق کرنے والے ماہرین کے مطابق انہیں ایسے ثبوت بھی ملے کہ اکثر خاص قسم کی مچھلیاں اپنے گھروں سے پچاس کلومیٹر کی دوری سے بھی زیادہ فاصلہ طے کرتے ہوئے واپس لوٹیں۔

 شارک اپنے اردگرد کے ماحول میں حرکات کا اندازہ لگانے میں بھی تیز ہوتی ہیں

شارک اپنے اردگرد کے ماحول میں حرکات کا اندازہ لگانے میں بھی تیز ہوتی ہیں

اس ریسرچ سے یہ بھی ثابت ہوا کہ سونگھنے، سننے اور اندازہ لگانے کی اپنی بہت تیز حس کی وجہ سے ایسی شارک مچھلیاں اپنی منزل کی جانب زیادہ تر بالکل سیدھے راستے پر چلتی رہیں۔ اس طرح ان مچھلیوں کو راستے میں خوراک کی دستیابی کے سلسلے میں بھی کسی بڑی پریشانی کا سامنا نہیں کرنا پڑا۔

سب سے اہم بات یہ کہ اس طرح سفر کرتے ہوئے ایسی شارک مچھلیاں غیر ضروری فاصلوں سے بچ جاتی ہیں اور یوں کسی بھی ایک سے دوسری جگہ جاتے ہوئے اپنی توانائی بھی بچا لیتی ہیں۔

یہ نئی تحقیق برطانوی سائنسی جریدے Journal of Animal Ecology میں شائع ہوئی ہے۔

Source: www.dw-world.de

Leave a comment

Make sure you enter the (*) required information where indicated.\nBasic HTML code is allowed.

Latest Blog

  • Science for Youth (S4Y) week

    The National Academy of Young Scientists in Pakistan (NAYS) is going to celebrate this first Science for Youth week in Pakistan from 14th to 20th April. The themes reflect the importance of active participation of students and researchers. The Science[…]

Science 4 Youth Science Week

Latest Video

  • Hovercraft made by PSC Members in 2006 Hovercraft made by PSC Members in 2006 at Srfaraz pilot[…]

IEEE Karachi Section Workshop and Science Fair